 |
| All Women Post Office, Mahim Bazaar PO, Mumbai-400016 |
ವಾಣಿಜ್ಯ ನಗರಿ ಮುಂಬೈ ಮಹಾನಗರದ ಮಹಿಮ್ ಬಜಾರ್‌ನಲ್ಲಿ "ಸಂಪೂರ್ಣ ಮಹಿಳಾ ಅಂಚೆ ಕಚೇರಿ" ಯನ್ನು ಅಂಚೆ ಇಲಾಖೆಯ ಕಾರ್ಯಾಚರಣಾ ಸದಸ್ಯೆ ಅರುಂಧತಿ ಘೋಷ್ ಅವರು ಶನಿವಾರ ದಿನಾಂಕ 25.01.2020 ರಂದು ಉದ್ಘಾಟನೆ ಮಾಡಿದ್ದಾರೆ.
ಇದು ದೇಶದ ಎರಡನೇ ಸಂಪೂರ್ಣ ಮಹಿಳಾ ಅಂಚೆ ಕಚೇರಿಯಾಗಿದ್ದು, ಇಲ್ಲಿನ ಎಲ್ಲಾ ಕಾರ್ಯಾಚರಣೆಗಳನ್ನು ಸಂಪೂರ್ಣವಾಗಿ ಮಹಿಳೆಯರೇ ನಿರ್ವಹಣೆ ಮಾಡಲಿದ್ದಾರೆ.
ಪೋಸ್ಟ್ ಮಾಸ್ಟರ್ ಉಸ್ತುವಾರಿಯಿಂದ ಹಿಡಿದು ಕೌಂಟರ್ ಪರ್ಸನ್‌‌ವರೆಗೆ ಎಲ್ಲರೂ ಇಲ್ಲಿ ಮಹಿಳೆಯರೇ ನಿರ್ವಹಿಸಲಿದ್ದಾರೆ. ಉಳಿತಾಯ ಖಾತೆ ಕೌಂಟರ್, ಬಹು ವಿಧಾನದ ನೋಂದಣಿ & ಬುಕಿಂಗ್ ಕೌಂಟರ್, ಆಧಾರ್ ಸೆಂಟರ್, ಇಂಡಿಯಾ ಪೋಸ್ಟ್ ಪೇಮೆಂಟ್ ಬ್ಯಾಂಕ್, ಖಜಾಂಚಿ, ಕಾರ್ಯ ಎಲ್ಲವನ್ನೂ ಮಹಿಳೆಯರೇ ನೋಡಿಕೊಳ್ಳಲಿದ್ದಾರೆ. ಅಂಚೆ ಇಲಾಖೆಯು ಮಹಿಳೆಯರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದು, ನೇಮಕಾತಿಯಲ್ಲಿ ಮೀಸಲಾತಿ, ಪರೀಕ್ಷಾ ಶುಲ್ಕ ವಿನಾಯಿತಿ, ಹೆರಿಗೆ ರಜೆ, ಮಕ್ಕಳ ಆರೈಕೆ ರಜೆ ಮುಂತಾದ ಸೌಲಭ್ಯಗಳನ್ನು ಒದಗಿಸುವ ಮೂಲಕ ಮಹಿಳಾ ಸಶಕ್ತಿಕರಣದಲ್ಲಿ ಮಹತ್ವದ ಕೊಡುಗೆ ನೀಡುತ್ತಿದೆ.
ಈ ಮೊದಲು ದೇಶದ ಮೊದಲ ಮಹಿಳಾ ಅಂಚೆ ಕಚೇರಿಯನ್ನು ದೆಹಲಿಯಲ್ಲಿ ಪ್ರಾರಂಭಿಸಲಾಗಿತ್ತು.
#AllWomenPostOffice, #IndiaPost, #PostOffice
ಕೊನೆಯ ನುಡಿ: ಬೇಟಿ ಬಚಾವೊ, ಬೇಟಿ ಪಡಾವೊ(ಹೆಣ್ಣುಮಗುವನ್ನು ಉಳಿಸಿ, ಹೆಣ್ಣುಮಗುವನ್ನು ಓದಿಸಿ) ನಿಮ್ಮ ಹೆಣ್ಣುಮಗುವಿನ ಭದ್ರ ಭವಿಷ್ಯಕ್ಕಾಗಿ ಸುಕನ್ಯಾ ಸಮೃದ್ಧಿ ಖಾತೆಯನ್ನು ಇಂದೇ ತೆರೆಯಿರಿ. ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಸಮೀಪದ ಅಂಚೆ ಕಚೇರಿಗೆ ಭೇಟಿ ನೀಡಿ.
ಕಾಮೆಂಟ್‌ ಪೋಸ್ಟ್ ಮಾಡಿ