February 28: "ರಾಷ್ಟ್ರೀಯ ವಿಜ್ಞಾನ ದಿನ" 'National Science Day'

 

Bharat Ratna Dr. C. V. Raman Stamp

  ಭಾರತ ಸರಕಾರ ಪ್ರತೀ ವರ್ಷ ಫೆಬ್ರುವರಿ 28 (February 28) ನೇ ತಾರೀಖಿನಂದು "ರಾಷ್ಟ್ರೀಯ ವಿಜ್ಞಾನ ದಿನ" 'National Science Day'- February-28 ಆಚರಿಸುತ್ತದೆ.  ಈ ದಿನವನ್ನೇ "ರಾಷ್ಟ್ರೀಯ ವಿಜ್ಞಾನ ದಿನ" ಎಂದು ಆಚರಿಸಲು ಮಹತ್ತರ ಕಾರಣವಿದೆ.

  1928 ಫೆಬ್ರುವರಿ 28 ಪ್ರಪಂಚದ ವಿಜ್ಞಾನ ಕ್ಷೇತ್ರದಲ್ಲಿ ಒಂದು ಐತಿಹಾಸಿಕ ದಿನ ಎಂದು ಹೇಳಬಹುದು, ಡಾ|| ಸಿ ವಿ ರಾಮನ್ (Dr.C.V.Raman)   ಅವರು ಬೆಳಕಿನ ಚದುರುವಿಕೆಯ ಕುರಿತ  ಸಂಶೋಧನ ಪ್ರಯೋಗ ಮಂಡಿಸಿ ಯಶಸ್ವಿ ಕಂಡ ದಿನ. ವಿಜ್ಞಾನ ಕ್ಷೇತ್ರದಲ್ಲಿ ಡಾ|| ಸಿ ವಿ ರಾಮನ್  ಅವರ ಸಂಶೋಧನ ಪ್ರಯೋಗವನ್ನು "ರಾಮನ್ ಎಫೆಕ್ಟ್"(Raman Effect)  ಎಂದು ಕರೆಯಲ್ಪಡುತ್ತದೆ. ಇಂತಹ ಮಹತ್ವದ ದಿನದ ಸ್ಮರಣಾರ್ಥವಾಗಿ ಪ್ರತೀ ವರ್ಷ ಫೆಬ್ರುವರಿ 28 ನೇ ತಾರೀಖಿನಂದು "ರಾಷ್ಟ್ರೀಯ ವಿಜ್ಞಾನ ದಿನ" ಎಂದು ಆಚರಿಸಲಾಗುತ್ತದೆ. ಈ ದಿನದಂದು ದೇಶಾದ್ಯಂತ ಎಲ್ಲ ಶಾಲಾ ಕಾಲೇಜು, ವಿಶ್ವವಿದ್ಯಾಲಯಗಳಲ್ಲಿ  ವಿಜ್ಞಾನ ಕ್ಷೇತ್ರಕ್ಕೆ ಸರ್ ಸಿ ವಿ ರಾಮನ್ ಅವರ ಕೊಡುಗೆ ಕುರಿತು ವಿಚಾರ ಸಂಕಿರಣ ಏರ್ಪಡಿಸಲಾಗುತ್ತದೆ.  ಮಾನವ ಕಲ್ಯಾಣದಲ್ಲಿ ವಿಜ್ಞಾನ ಕ್ಷೇತ್ರದ ಕೊಡುಗೆ  ಮತ್ತು ಮಹತ್ವವನ್ನು  ವಿವರಿಸಲಾಗುತ್ತದೆ.  ಆ ಮೂಲಕ  ವಿದ್ಯಾರ್ಥಿಗಳಲ್ಲಿ   ವೈಜ್ಞಾನಿಕ ಮನೋಭಾವವನ್ನ  ಮೂಡಿಸಿ   ಸಂಶೋಧನಾನಿರತರನ್ನಾಗಿಸಲು    ಪ್ರೇರೇಪಿಸುತ್ತದೆ.

   ಡಾ|| ಸಿ ವಿ ರಾಮನ್ (Dr.C.V.Raman)  ಅವರ ಸಂಶೋಧನ ಪ್ರಯೋಗ "ರಾಮನ್ ಎಫೆಕ್ಟ್"  ವಿಶಿಷ್ಟ ಸಂಶೋಧನೆಗೆ 1930 ರಲ್ಲಿ  ನೊಬೆಲ್ ಪ್ರಶಸ್ತಿ ಪಡೆದುಕೊಳ್ಳುತ್ತಾರೆ.  ಭಾರತ ದೇಶಕ್ಕೆ ಮೊದಲ ನೊಬೆಲ್ ಪ್ರಶಸ್ತಿಯನ್ನು ತಂದುಕೊಟ್ಟ ಶ್ರೇಯ ಭಾರತ ರತ್ನ ಡಾ|| ಸಿ.ವಿ ರಾಮನ್ ಗೆ ಸಲ್ಲುತ್ತದೆ.

 1934 ರಲ್ಲಿ ಬೆಂಗಳೂರಿನ "ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್"(IISc-Indian Institute of Science) ನ ನಿರ್ದೇಶಕರಾಗಿ ಸೇವೆಗೆ ಸೇರಿದ ಸರ್. ಸಿ. ವಿ. ರಾಮನ್, ಅದೇ ವರ್ಷ  ಬೆಂಗಳೂರಿನಲ್ಲಿ "ರಾಮನ್ ಸಂಶೋಧನ ಸಂಸ್ಥೆ" ಸ್ಥಾಪನೆ ಮಾಡುತ್ತಾರೆ. ಇಂದು ಈ ಸಂಸ್ಥೆ ಭೌತಶಾಸ್ತ್ರದ ಅತ್ಯಂತ ಪ್ರಮುಖ ಸಂಶೋಧನಾ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿದೆ. 

       ಪ್ರಪಂಚದ ಭೌತಶಾಸ್ತ್ರ ಕ್ಷೇತ್ರಕ್ಕೆ ಮಹತ್ವದ ಕೊಡುಗೆ ನೀಡಿದ ಡಾ|| ಚಂದ್ರಶೇಖರ ವೆಂಕಟರಾಮನ್  ನವಂಬರ್ 7, 1888 ರಲ್ಲಿ ತಮಿಳುನಾಡಿನ ತಿರುಚಿರಾಪಳ್ಳಿ ಬಳಿಯ ತಿರುವನೈಕಾವಲ್ ನಲ್ಲಿ ಜನಿಸಿದ ಈ ಮಹಾನ್ ಚೇತನ, ಭೌತಶಾಸ್ತ್ರದ ಕ್ಷೇತ್ರಕ್ಕೆ 'ಹೊಸ ಬೆಳಕು' ನೀಡಿದ  ದೃವತಾರೆ, 21 ನವಂಬರ್ 1970 ರಂದು ತಮ್ಮ 82 ನೇ ವಯಸ್ಸಿನಲ್ಲಿ ಬೆಂಗಳೂರಿನ ದೇವನಹಳ್ಳಿ ಯಲ್ಲಿ ಅಸ್ತಂಗತವಾಯಿತು. 

     ಭೌತಶಾಸ್ತ್ರ ವಿಜ್ಞಾನ  ಕ್ಷೇತ್ರಕ್ಕೆ ಡಾ|| ಚಂದ್ರಶೇಖರ ವೆಂಕಟರಾಮನ್ (Dr.Chandrashekar Venkat Raman)ನೀಡಿದ ಕೊಡುಗೆಯನ್ನು ಪರಿಗಣಿಸಿ ಭಾರತೀಯ ಅಂಚೆ ಇಲಾಖೆ ಸ್ಮರಣಾರ್ಥ ಅಂಚೆಚೀಟಿ (Commemorative  Stamps) ಹಾಗೂ 'ಡೆಫೆನೆಟಿವ್ ಸೀರೀಸ್' (Definitive  Series Stamps) ಅಂಚೆ ಚೀಟಿ ಬಿಡುಗಡೆ ಗೊಳಿಸಿ ಗೌರವಿಸಿದೆ. ಅಂಚೆ ಚೀಟಿ ಸಂಗ್ರಹಣೆ ಹವ್ಯಾಸ (ಫಿಲಾಟಲಿ-Philately) ದಲ್ಲಿ ಭಾರಿ ಬೇಡಿಕೆ ಇದೆ. ಇಂದೇ ಅಂಚೆ ಚೀಟಿ ಸಂಗ್ರಹಣೆ ಆರಂಭಿಸಿ ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಸಮೀಪದ ಅಂಚೆ ಕಚೇರಿ (Post Office) ಸಂದರ್ಶಿಸಿ.

Dr. C. V. Raman Definitive Stamps

National Science Day Special Cover

 ಈ ಲೇಖನವನ್ನು ಇಂಗ್ಲೀಷ್ ನಲ್ಲಿ ಓದಲು  ಇಲ್ಲಿ ಕ್ಲಿಕ್ ಮಾಡಿ